sru:version: 1.2; sru:query: fcs.rf="mecmua.2_21"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.2_21"; sru:baseUrl: ; fcs:returnedRecords: 1; fcs:duration: PT0.024S PT0.03S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.2_21</phrase></query>)];

Dervīş Yūnus bunı gördi andan size ḫaber vėrdi
ʿAqlı gidüb göñül vėrdi nite‑kim sinlerin gördüm

[Hüdāyī]

recez: müstefʿilün ‑ müstefʿilün ‑ müstefʿilün ‑ müstefʿilün

Luṭf eyleyüb bir gez naẓar eylerse ger sulṭānumuz
Kürsī degül ʿarşdan daḫı ʿālī ola ʿünvānumuz

Benlik aradan dūr ola ẓulmet gidüb pūr [!] nūr ola
Maḥzūn göñül mesrūr ola maʿmūr ola vīrānumuz

Vaḥdet‑i şarābın kim içe fānī ʿalāyıqdan geçe
Ger ḥaşr ola niçe niçe ayılmıya mestānumuz

Şevq‑ile bülbül[l]er öte āvāzı āfāqı duta
Her laḥẓa tāze gül bite hīc ṣolmaya boṣtānumuz [!]

Ola Hüdāyīye ʿaṭā cān semʿine ėre nidā
Derdi vėren qādit ḫuẕā [!] bir gün vėrür dermānumuz

[Hüdāyī]

N’eyleyem dünyāʾı baña Allāhum gerek
Gerekmez māsivāʾı baña Allāhum gerek

Ehl‑i dünyā dünyāda ehl‑i ʿuqbā ʿuqbāda
Her biri bir sevdāda baña Allāhum gerek

Dertlü [!] dermānın ister qullar sulṭānuñ [!] ister
ʿĀşıq cānānuñ [!] ister baña Allāhum gerek

Fānī devlet gerekmez dürlü zīnet gerekmez
Ḥaqqsuz cennet gerekmez baña Allāhum gerek

Mecnūn ister Leylāʾı Vāmıq ister ʿAẕrāʾı
N’ėdem ġayri sevdāʾı baña Allāhum gerek

Bülbül güle qarşu zār pervāneʾi yaqmış nār
Her quluñ bir derdi var baña Allāhum gerek

Ḥaqquñ sevgilü ḥabībi ūmmetine [!] qıl şefāʿat
Sensin cümlenüñ ṭabībi yā Muḥammed qıl şefāʿat

Ey luṭf ėtse [?] kān‑i ṣafā mücellā nūrın Muṣṭafā
Nebīler şāhı Mürteżā ümmetine qıl şefāʿat

Seni şefīʿ ėtdi rebbī islāma eyledi nebī
Sensin ḥaqquñ muqarrebi yā Muḥammed qıl şefāʿat

Sensin ol ḫayr‑ı ḫalqu llāh hem daqı nūr[‑]i ʿarşu llāh
Meded qıl yā Resūlullāh yā Muḥammed qıl şefāʿat

Senüñ menşūruñdur Qurʾān taḥqīq‑i ḥüccetüñdür burhān
Şerīʿatüñ feyż‑i īmān yā Muḥammed qıl şefāʿat